Oana, Der An Huad Afhod in da Logistik - Hengersberg, Deutschland - Webasto

Webasto

Geprüftes Unternehmen

Hengersberg, Deutschland

vor 5 Tagen

Geschrieben von:

Lena Wagner

beBee Recruiter

Beschreibung

**Webasto** - oana da 100 graißtn Automobilzulieferer suacht di

Du host Lust, in am subba Team zum oabatn und kannst di fürs Thema Mobilität da Zukunft begeistern? Dann bist bei uns genau richtig

Kimm in unser Mannschaft am Standort Hengersberg.

**So kannst bei uns zoign wosd drafhost**:

- Du organisierst de reibungslose Abwicklung vo Transporte mit gfährlichm Zeig ("Gefahrgut") vo da Verpackung bis zum Okemma am Zui
- Du sorgst dafir, dasd Produktion laffd indem dus Material zurabringst
- Du findst außa wai vui Blotz ma brauchan und erstaist dazua Übersichten fürd Logistik
- Du überprüfst, organisierst und überwachst wos se im Lager ois riat
- Du schaust guad auf deine Leid im Team und bassd afd Einhaltung von Regeln und Vorschriften af, damit se koana weh duad unds a koi Probleme mitm Arbeitsinspektorat gibd

**Wos du dafir brauchst**:

- Du host wos glernt, wos mit Logistik zum doa hod und di in dem Bereich a immer wieder schlauer gmocht
- Du kannst d Logistik im Bereich Batterien ned nur abwickln sondern derfst das a vo da rechtlichn Seitn her
- Du oabatst genau, gschaftelst a gern moi a weng und mogst das, mit unterschiedliche Leid zum doa zum hobn
- Du denkst mit und kannst oabatn ohne dass da ebba jedn Schritt vorbeten muas
- Du kannst Stapler fohn (derfst das a) und host dein Spaß dro

**Wos hosd du na davo?**

Unser bayrischs Familienunternehmen gibt's mittlerweile scho seit über 100 Joh. Du konnst di also af an sichern Oabatsblotz gfrein aber genauso af nette, motivierte Leid, de jederzeit obagga mign. Bei uns wirds nie fad und wenns moi zvui wird, dann hoidma imma zam und heifan uns gegenseitig. Weil mitananda wos vorobringa und verbessern is wosma woin. Mir mochan koa Glump sondern Zeig, des a hoid - des is guad für unsre Kunden und genauso a fürd Natur.

Klingt schomoi guad? War aber no ned ois. Weil a wennsd vorokemma mechst, bisd bei uns absolut richtig: Mir schaun af unsere Leid und draf, dass jeda sie weidaentwickln und lerna konn. Koa Sorge - de richtige Stärkung dafir graigst in unsra guadn Kantine (des Essn do konn ma a leicht dazoin).

Und bevor ma lang drumrum redn natürlich no a andra wichtiger Punkt: Mir zoima de gscheid und schuißma zusätzlich zum normala Gehalt no wos zum Urlaub und de Weihnachtsgeschenka zua. Und wennst gscheid oabatst, gibt durchn Bonus sogar no a wengal mehr..

Na klingts guad? Dann greifma uns af dei Bewerbung